聖方濟各華人天主堂

Giáo Xứ Thánh Phanxicô Xaviê

使用者工具

網站工具


zh-tw:phanxicoxavie

本堂主保

聖方濟各沙勿略司鐸

進堂

各位主內嘅兄弟姊妹:今日我哋聚集一齊為隆重慶祝我哋嘅堂區主保/聖方濟各沙勿略嘅節日.

聖方濟各年青時非常聰明,但單單貪圖世間嘅名譽地位.後來天主通過聖依納爵嘅口,勸化咗聖方濟各,佢話:「得到全世界而喪失自己嘅靈魂,為你有乜嘢益處呢?」從此以後,天主完全佔有咗聖人嘅心.佔有咗聖人,駛聖人成為傳教園地嘅得力工具,聖人將在世最後嘅十年完全獻俾天主,佢對傳教工作不遺餘力,佢嘅生活係一個旅程,一個不停作証嘅行程.

依撒意亞先知曾經預言話:「傳播福音者嘅腳步係有福嘅.」的確,喺完成天主所交付嘅任務,喺去世之後七十年佢獲教會冊封為聖人,做傳教區嘅主保,聖方濟各係我哋堂區嘅主保,我哋好應該效法聖人嘅榜樣,效法聖人傳教嘅榜樣,應該爭取喺每一個細小嘅機會中為基督傳教.

請大家起立,參與呢台彌撒,請大家一齊唱進台詠.

經一

耶路撒冷係教會嘅象徵,依撒意亞先知預言,將來萬民都要齊集喺教會內.主日感恩祭第115頁

經二

傳播福音係每位教友嘅本份,目的唔係謀求賞報,而係為駛更多人獲享福音嘅恩寵.主日感恩祭第116頁

信友禱文

主祭:各位兄弟姊妹:聖保祿宗徒話:「如果我不傳福音,我便有禍了」.傳福音係我哋嘅責任,我哋一齊求天主賜俾所需要嘅聖寵:

  1. 我哋希望我哋堂區每一個人都承蒙聖方濟各嘅代禱,求主駛我哋每一個人喺日常生活中,都表現出係天主忠誠嘅子女.我哋同聲祈禱.
  2. 基督係救恩嘅泉源.求主助祐我哋效法聖方濟各,用我哋嘅一生嚟事奉,光榮主,駛我哋將來亦能同聖人同享永福.我哋同聲祈禱.
  3. 求主廣施豐富嘅恩寵俾我哋,駛我哋靠佢嘅助祐,喺日常生活中不斷為主作証.我哋同聲祈禱.
  4. 世上仲有好多人未曾認識基督.求主啟迪善意尋找佢嘅人,都能夠搵倒佢,事奉佢唯一嘅真主宰.我哋同聲祈禱.

主祭:主、耶穌,祢曾經命令我哋:「你們往普天下去,向一切受造物宣傳福音」.求祢助祐我哋明白自己傳教嘅責任,同時盡好自己嘅本份.祢是天主,永生永王.

奉獻

傳教係每位教友嘅責任,向天主奉獻禮品亦係為基督作証嘅方式之一,_ _ _ _ _ _ _ 代表我哋喺祭禮中做作証嘅工作.

(領聖體後)

謝聖體

請大家坐,而家我哋做一個感謝聖體嘅祈禱

上主,我相信祢喺我嘅身上繼續祢嘅工程.無論發生乜嘢事,無論喺邊度,喺乜嘢時候.我相信我得到召叫嚟認識呢個工程,同祢合作.

同時將祢嘅工程,將祢本身,介紹俾我嘅親戚朋友,介紹俾我嘅近人.

主,求祢駛我明白我嘅責任,賞賜我勇氣同信心去實行我嘅責任.

禮成

祝大家喺彌撒後帶埋天主嘅平安返屋企,帶俾所有嘅人.


將臨期


頁面工具