聖方濟各華人天主堂

Giáo Xứ Thánh Phanxicô Xaviê

使用者工具

網站工具


zh-tw:mpsltt-b

耶穌升天

進堂

各位親愛嘅兄弟姊妹:今日我哋慶祝耶穌升天節,慶祝復活基督嘅光榮到達佢嘅完滿境界,就係天國,教會嘅時期就要開始.
耶穌升天唔係同世人分開,唔係要遺棄世人.我哋唔應該企定喺一處,唔應該憂愁,唔應該單單喺雲層中尋找基督.
耶穌曾經答應過生活喺我哋中間,生活喺嗰啲充滿希望嘅人同工作中,生活喺作證嘅人面前.有形嘅基督雖然睇唔到,但復活嘅基督會同所有信徒一齊工作,復活嘅基督將佢嘅影響力擴展到全人類,信賴基督就要到普世去傳揚我哋嘅信仰,實行我哋嘅使命,呢個工作要立刻開始,唔可以浪費任何一分鐘.
我哋希望我哋嘅工作,我哋人性嘅努力得到完滿嘅效果,就要不停咁繼續基督在世嘅使命.呢啲就係我哋慶祝耶穌升天嘅意義.

請大家起立,參與呢台彌撒,一齊唱進台詠.

經一

經一係講我哋必須喺生活中證實基督嘅可信,否則就只有白白咁等待基督返回大地.請打開主日感恩祭第53頁.

經二

經二提醒我哋,教友要參與基督嘅王道使命,呢啲係我哋嘅義務亦係榮譽.請打開主日感恩祭第56頁.

信友禱文

主祭:各位兄弟姊妹:雖然我哋嘅眼睇唔到,但係主、耶穌確實臨現喺我哋中間.我哋讚美主而一齊祈求:

  1. 請大家為教會合一祈禱.基督留佢嘅教會喺世界上為繼續佢宣揚福音嘅工作.求主不斷更新教會,駛教會能夠喺新時代,以新方式宣揚主永唔改變嘅福音.我哋同聲祈禱.
  2. 聖教會有傳揚福音嘅責任.求主扶助教會嘅傳教工作得到美滿嘅成果.我哋同聲祈禱.
  3. 請為臨終者祈禱.求主駛已經光榮升天嘅基督嘅希望增加佢哋嘅忍耐同勇氣.我哋同聲祈禱.
  4. 請為我哋嘅團體祈禱.求主光照我哋嘅心,駛我哋明瞭,紀念同分享基督嘅升天,最重要嘅係跟隨基督,成為基督光榮嘅有力標記.我哋同聲祈禱.

主祭:主耶穌,祢已經升天坐在天主聖父嘅右邊,求祢恩賜我成為祢臨現世上嘅活潑證人.祢是天主,永生永王.

奉獻

喺成個歷史嘅過程中,一切基督徒都要繼續執行基督嘅命令,為基督作證,祭祀就係作證嘅具體表現之一,……教友家庭代表我哋為呢個祭禮做準備,將祭品帶上祭台.

(領聖體後)

謝聖體

請大家坐,而家我哋做一個感謝聖體嘅祈禱.
主,祢升天嘅時候,祢離開祢最親愛嘅朋友,佢哋望天嘅時候,有一片雲彩遮住祢.主,喺我日常生活中,喺我嘅匆忙時間,喺我嘅工作上亦有好多雲彩遮住祢.求祢駛我嘅眼睛能夠透過呢啲雲彩,睇到祢嘅臨現.幾時呢啲雲彩變得更黑嘅時候,求祢堅強我嘅信心,因為我信每片黑嘅雲彩後面有美麗嘅太陽.

禮成

各位朋友,以今日福音嘅說話祝福大家度一個基督化嘅生活,基督向我哋講:你哋應當週遊全世界,將福音傳俾天下萬民.


復活期


頁面工具