聖方濟各華人天主堂

Giáo Xứ Thánh Phanxicô Xaviê

使用者工具

網站工具


zh-tw:mpslhx-b

聖神降臨節

進堂

各位親愛嘅兄弟姊妹:髑髏山上嘅黑暗,復活嘅光輝勝利,升天嘅光榮同埋今日盛大嘅聖神降臨.呢一連串嘅事蹟,駛到救主耶穌嘅奧蹟達到完滿嘅境界.而家五十日嘅復活期就要結朿,教會嘅時期就要開始.教會好快咁喺人群中同埋喺各種族中發展,教會邀請全世界每一個人加入佢嘅團體.聖神降臨嘅呢一陣暴風,同埋照耀每個人嘅火,喺基督再次來臨之前係唔會再熄滅.呢陣風同火嘅力量係喺聖神嘅信徒手中,佢哋每個人保持自己嘅自由,喺惟一同埋同樣嘅聖神中領受各人嘅恩寵,駛教會向全世界擴展,因此聖神降臨日就係教會嘅誕生日.巴貝爾塔所象徵嘅時期係人類嘅分裂,互相唔瞭解,聖神駛人類重新合一,互相瞭解,互相寬恕,接受彼此間嘅差別.教會喺聖神嘅領導下唔再有言語,種族嘅分別.
請大家起立,參與呢台彌撒,一齊唱進台詠.

經一

經一記載:喺聖神降臨日,聖神駛唔同方言嘅人聽到同一嘅訊息,成為天下萬民團結嘅因素.請打開主日感恩祭第68頁.

經二

聖保祿宗徒俾我哋知道,聖神為大家嘅益處,協調信友間各色各樣嘅神恩.請打開主日感恩祭第71頁. 五旬節讚歌 今日係聖神降臨節.我哋特別求聖神降臨到我哋心中,聖化我哋嘅生活.請大家睇螢幕一齊唱 作為今日五旬節嘅讚歌.

信友禱文

主祭:各位兄弟姊妹:主、耶穌派遣聖神集合成教會.我哋信賴聖神嘅指引而共同祈求:

  1. 聖神係整個人類合一嘅來源.當我哋紀念聖神降臨嘅日子,求主將佢嘅生活精神灌輸喺整個人類心裡,駛到人能夠睇到佢哋同一嘅來源.我哋同聲祈禱.
  2. 聖神係教會嘅靈魂.求主將主嘅真理同埋愛嘅精神充滿佢嘅教會,駛到教會能夠喺人面前,為真理同埋愛而作證.我哋同聲祈禱.
  3. 聖神係安慰人嘅精神.而家有好多人都有自己唔能夠解決嘅問題.求主派遣安慰之神喺困難之中領導呢啲人.我哋同聲祈禱.
  4. 天主聖神降臨喺每一個種族,每個人群中,駛各種言語嘅人都聽到佢嘅聲音.求主駛所有嘅人都盡力為人類嘅合一同正義而工作.我哋同聲祈禱.

主祭:仁慈嘅天主,喺塵世嘅旅途中,我哋遇到唔少嘅艱難考驗.求祢派遣施慰者聖神,駛我哋嘅心靈得到安息.因我們的主、基督之名,求祢俯聽我們的祈禱.

奉獻

聖神俾人新嘅氣息,駛人同天主喺聖神身上和好,滿懷信賴之心,我哋團結一齊向天主舉行祭禮,_ _ ___ 教友家庭代表我哋奉獻禮品.

(領聖體後)

謝聖體

請大家坐,而家我哋做一個感謝聖體嘅祈禱.
主,我時時唔明白點解人哋唔明白我所講嘅說話,亦都唔明白點解我好難了解他人嘅說話.
主,祢創造人類嘅時候,俾我同一嘅生命,同一嘅精神.說話應該要幫我哋彼此溝通同埋領悟,不過事實上好多次言語成為人與人之間誤會嘅來源.
主,當祢派聖神喺祢門徒心裡嘅時候,聖經記載所有嘅人,無論講乜嘢方言都能聽明白祢門徒所講嘅一切.
主,求祢將呢一個聖神放喺我哋嘅心裡,駛我哋彼此能夠心靈相通.

請大家起立,請睇螢幕,一齊唸佘山聖母祈禱文

禮成

各位兄弟姊妹,以基督嘅說話結束今日嘅彌撒,願你們平安,正如父派遣了我,我現在也派遣你們.


頁面工具