聖方濟各華人天主堂

Giáo Xứ Thánh Phanxicô Xaviê

使用者工具

網站工具


zh-tw:mpscn6-b

乙年復活期第六主日

進堂 各位親愛嘅兄弟姊妹:天主喺世人之中,唔分別種族,國家,唔分社會階級,佢以我哋嘅名字召叫我哋.人類社會嘅習慣喜歡將人分門別類咁分出嚟:就係根據社會地位,文化生活,個人嗜好等等嚟將人分開,不斷豎起保護自己嘅圍牆,劃定界限,拒絕分享,關閉喺自我嘅小天地,同埋自我嘅利益中.所以世界大同好似係一種幻想,世界性嘅博愛就好似係幻想嘅餌.但係基督嘅計劃就係博愛嘅生活,基督為呢個計劃向天父祈禱,基督將呢個計劃當做遺囑咁遺留俾教會,初期嘅基督徒就將呢個計劃宣揚出去.因為回應天主嘅愛,就係喺實際生活中駛博愛嘅生活得勝.天主已經派遣咗佢嘅聖子俾全人類,俾所有嘅人,無一個例外.基督嘅門徒只有一個特權,就係果敢咁拒絕自私同仇恨.

請大家起立,參與呢台彌撒,一齊唱進台詠. 經一 今日經一俾我哋知道:天主唔分別種族,佢願意將聖神嘅恩寵賜俾所有嘅人.請打開主日感恩祭第46頁. 經二 聖若望提醒我哋愛我哋嘅兄弟姊妹,分擔教會宣揚福音嘅任務,呢啲都係我哋信仰天主嘅證據.請打開主日感恩祭第47頁. 信友禱文 主祭:各位兄弟姊妹:主、耶穌嘅遺囑只有一句話,就係:「你們要彼此相愛,就像我愛了你們一樣.」我哋決心遵照主嘅教導而共同祈求: 1.請大家為堂區祈禱.基督召叫信徒以友誼,真愛嘅精神,成為模範嘅團體.求主駛到我哋嘅堂區以實際嘅榜樣,成為宣揚福音嘅工具.我哋同聲祈禱. 2.請大家為整個人類祈禱.求主更新每個人心靈嘅眼睛,為咗能夠喺他人身上消除種族,言語,文化,主義嘅隔膜,能夠睇到人與人之間彼此嘅聯繫.我哋同聲祈禱. 3.請大家為所有失業嘅人祈禱.基督按照佢創造人類嘅智慧,賜俾人類謀生嘅技能,求主降福我哋嘅團體,駛每一個人有一個安定嘅工作,平安咁生活.我哋同聲祈禱. 4.請為嗰啲通過朋友嘅愛,夫婦嘅愛,父母嘅愛而識得為別人犧牲自己嘅人祈禱.求主賞賜基督嘅喜樂充滿佢哋嘅生活.我哋同聲祈禱. 主祭:主耶穌,祢答應過派遣聖神俾各位宗徒,駛佢哋到普天下去為祢作證.求祢亦將聖神賜俾我哋,駛我哋能夠勇敢度愛德嘅生活.祢是天主,永生永王. 奉獻 耶穌話:你哋若果實行我嘅命令,就係我嘅朋友.耶穌嘅命令係要我哋孝愛天主,…..教友家庭代表我哋將呢份愛表現出嚟,將恭敬天主嘅禮物帶上祭台 (領聖體後) 謝聖體 請大家坐,而家我哋做一個感謝聖體嘅祈禱. 『沒有什麼愛比為朋友捨命的愛更偉大.』主,呢句說話提醒我,祢新命令嘅內容,同時劃出新生活嘅路線.主,祢嘅福音以呢個新誡命,以呢個新路線為中心.若果我唔守呢個誡命,唔行走呢條路線,有乜資格稱祢為我朋友,有乜理由稱別人為朋友呢.主,我亦知道現代世界特別需要呢條誡命,呢新路線. 禮成 各位朋友,我哋嘅祈禱到此完畢,為祝大家度一個愉快嘅星期,我借用福音嘅一句說話:『沒有什麼愛比為朋友捨命的愛更偉大』.


復活期


頁面工具