聖方濟各華人天主堂

Giáo Xứ Thánh Phanxicô Xaviê

使用者工具

網站工具


zh-tw:mpscn5-b

復活期第五主日

進堂

各位主內嘅兄弟姊妹:喺舊約聖經中,以色列民族稱為上主嘅葡萄樹.但係呢棵葡萄樹單單結出咗品質平凡嘅果實.當耶穌自稱係真正葡萄樹嘅時候,耶穌以一個新嘅民族嚟代替以色列民族.聯繫呢個新民族嘅因素,唔係種族,唔係宗教,唔係文化,而係由於同耶穌嘅結合,同真葡萄樹嘅結合.離開咗樹身嘅樹枝一定會乾枯,住喺耶穌內嘅一定會結果實,所謂住喺耶穌內就係接受痛苦,接受園丁修剪過嘅樹枝,將來就能夠有豐富嘅收穫.就好似耶穌要進入天父所俾佢嘅光榮,進入佢嘅復活,就要準備進入佢嘅痛苦.我哋要接受各種失敗,痛苦,打擊,當作係天主對我哋嘅磨練,為準備將來結出果實.

請大家起立,參與呢台彌撒,一齊唱進台詠. 懺悔詞

  上主,祢係真葡萄樹,求祢將養分賜俾我哋,求祢垂憐.
  上主,求祢磨練我哋,求祢垂憐.
  上主,求祢助祐我哋結出聖德嘅果實,求祢垂憐.

經一

今日嘅經一俾我哋知道:聖保祿到達耶路撒冷,俾咗教會一個新嘅傳教風氣.請打開主日感恩祭第37頁. 經二

聖若望宗徒將基督嘅教導概括喺一句話入面,就係我哋要信耶穌基督,我哋就要彼此相愛.請打開主日感恩祭第38頁. 信友禱文

主祭:各位兄弟姊妹:主耶穌曾經講過:「如果你們住在我內,而我的話也存留在你們內,那麼,你們無論想要什麼,儘管求罷,必給你們實現.」我哋信賴從死者之中復活之主嘅許諾而一齊祈求:

  請為教會祈禱.求主駛佢嘅教會喺天主聖神嘅助祐下成長、進步,同埋增加信徒,特別喺傳教區嘅國家,駛嗰啲困難同考驗潔淨佢,駛佢結出更多嘅果實.我哋同聲祈禱.
  請為新教友祈禱.求主恩賜佢哋對基督有真誠嘅信德,喺生活上相親相愛.我哋同聲祈禱.
  請為嗰啲由於自私自利嘅教友嘅壞榜樣而失望嘅人祈禱.求主派遣聖神,幫助佢哋越過一個壞嘅作證,同埋遇到一個仁愛嘅天主.我哋同聲祈禱.
  請為我哋嘅團體祈禱.求主駛我哋嘅團體尋找到佢嘅力量,同埋喺基督內合一.我哋同聲祈禱.

主祭:主耶穌基督,求祢俯聽我哋嘅心思願望,恩賜我哋勇氣,駛我哋喺生活中實現祢嘅教導.祢是天主,永生永王. 奉獻

同基督結合就能夠結出果實,得到力量,而家  教友家庭代表我哋聯合耶穌向天主呈奉禮品. (領聖體後) 謝聖體

請大家坐,而家我哋做一個感謝聖體嘅祈禱. 主,基督,喺今日嘅福音入面,祢駛到我明白我同祢之間密切嘅聯繫,祢係一棵生命之樹,我係呢棵樹嘅樹枝.另一方面祢駛我感覺到我同其他人之間一樣咁密切嘅聯繫.一棵樹好多樹枝分享同一嘅生命,分擔同一嘅命運.主,求祢將今日福音嘅說話雕刻喺我嘅心入面,駛我喺日常生活中,工作嘅時候,遇到困難嘅時候,喜樂嘅時候,祈禱嘅時候,繼續感覺到我與祢,我與人之間嘅共融. 禮成

祝大家擁有基督嘅平安,祝大家度一個愉快嘅星期.


復活期


頁面工具