聖方濟各華人天主堂

Giáo Xứ Thánh Phanxicô Xaviê

使用者工具

網站工具


zh-tw:mpscn4-b

復活期第四主日

進堂 各位兄弟姊妹:基督戰勝死亡,建設一個普世教會,教會喺基督之後領導各個民族,各個世代,忠誠嘅信徒以殉道嘅精神為基督作證,為全能嘅天主,同為充滿愛嘅主作證.基督自己講佢係善牧,佢唔係罪惡嘅首領,唔係一個欺騙民眾嘅領導人.基督係善牧,佢由於愛而獻出自己嘅生命,佢歡迎世人加入佢天主性嘅家庭之中,佢召叫我哋嚟跟隨佢,為佢服務,為駛他人快樂,同埋為愛佢.耶穌善牧講明兩件事;第一:佢唔似傭工,傭工喺危險嘅時候放棄佢所看顧嘅羊.第二:基督接觸每一隻羊,同埋為佢哋付出自己嘅生命.一陣間我哋所聽到嘅讀經會幫助我哋睇到天主對我哋嘅愛,佢以父親嘅愛嚟愛我哋,呢個愛由耶穌善牧身上完全表現出嚟.今日亦係聖召節,請大家喺彌撒中多啲為聖召祈禱.

請大家起立,參與呢台彌撒,一齊唱進台詠. 經一 伯多祿喺猶太公議會前表明,除咗喺基督身上外,我哋唔會喺其他人身上搵到救恩.呢個係我哋喺今日嘅經一所會聽到嘅訊息.請打開主日感恩祭第28頁. 經二 天主愛我哋,甚至駛我哋成為佢嘅子女,以繼承人嘅身份嚟分享佢嘅福樂.呢個係經二嘅意思.請打開主日感恩祭第29頁. 信友禱文 主祭:各位兄弟姊妹:仁慈嘅善牧、主耶穌基督,已經死喺十字架上,為駛羊群得到豐富嘅生命.我哋感謝主而共同祈求: 1.請為教會祈禱:求主恩賜佢嘅教會照佢嘅榜樣去生活,駛教會成為基督嘅犧牲同埋愛嘅標記‧我哋同聲祈禱‧ 2.請為主教同神父祈禱.主基督召叫佢哋照顧主嘅教會,求主駛佢哋好似一個善牧咁為所有嘅人服務.我哋同聲祈禱. 3.請為我哋時代嘅人祈禱:主基督召叫我哋成為佢嘅子女,求主駛世人喺我哋身上,睇到天主充滿喺我哋心中嘅愛.我哋同聲祈禱. 4.請為我哋嘅團體祈禱:求主幫助我哋喺聽咗善牧嘅聲音之後,能夠喺彌撒中吸取力量嚟尋找迷失同頑固嘅人.我哋同聲祈禱. 主祭:主耶穌基督,求祢恩賜祢嘅羊群時常喺信望愛嘅信念中團結一致,駛未認識祢嘅人通過我哋友愛嘅生活而歸向祢.祢是天主,永生永王. 奉獻 基督係善牧,佢認識我哋,愛護我哋,更加領導我哋祭獻天主,  教友家庭代表我哋獻上禮品,表示願意接受耶穌嘅領導. (領聖體後) 謝聖體 請大家坐,而家我哋做一個感謝聖體嘅祈禱. 主基督,我信,不過請堅強我軟弱嘅信仰.我希望,不過請扶助我懷疑嘅心.我愛,不過請排除我一切自私嘅趨向.主,希望祢成為我嘅信心,希望愛嘅基石.我不要求脫離一切困難,誘惑,搖動,只希望不斷能夠摸索祢所賜俾呢個穩陣嘅基石. 禮成 基督以每個人嘅名字召叫每一個人,祝大家喺彌撒中,將基督愛我哋嘅信心帶返去.


復活期


頁面工具