聖方濟各華人天主堂

Giáo Xứ Thánh Phanxicô Xaviê

使用者工具

網站工具


zh-tw:mpscn3-b

復活期第三主日

進堂

各位兄弟姊妹:死亡同復活係基督所要實現救贖工程同二件主要嘅事.復活必須跟隨痛苦之後而嚟,因為復活證明耶穌係天主子,係戰勝死亡,戰勝罪惡,戰勝魔鬼嘅默西亞,係解救人類嘅救世主.耶穌復活後好多次顯現俾宗徒嚟堅固佢哋嘅信德,同埋證實佢係全人類獨一無二嘅救主.自從復活節晚耶穌開啟宗徒嘅智慧,明白佢復活嘅奧跡.今日我哋聚集喺呢度宣佈佢嘅復活,每一代嘅信徒都傳佈呢個福音嘅訊息:就係基督係生活嘅,通過生活教會中嘅證人,我哋都係生活嘅.今日我哋仲舉行彌撒就係要接待復活嘅基督,嚟開啟我哋嘅智慧,面對佢嘅聖言,我哋友誼咁分享佢嘅聖餐.而家論到我哋喺同時代嘅世人前做見證人.

請大家起立,參與呢台彌撒,一齊唱進台詠.

經一

經一俾我哋知道,人哋殺害生命之源,天主就駛佢從死者中復活.請打開主日感恩祭第17頁.

經二

聖若望話:基督成為贖罪祭,唔單只為贖我哋嘅罪,而且亦為贖全世界嘅罪.請打開主日感恩祭第18頁.

信友禱文

主祭:各位兄弟姊妹:若果我哋靜心聆聽復活嘅基督呢句話:「你們為什麼害怕?分明就是我!」而又加以反省,一定有所俾益.我哋信賴復活嘅基督共同祈求:

1.請為宣講福音者祈禱.求主賞賜佢哋智慧,駛佢哋能夠喺仲未信仰上主嘅人群中,用適當嘅方式同埋態度,為眾人服務.我哋同聲祈禱.

2.請為滿腦世俗觀念嘅人祈禱.求主恩賜佢哋機會,能夠聽到超性嘅真理,因而皈依基督,得到救恩.我哋同聲祈禱.

3.請為嗰啲迷途而離開天主嘅人祈禱.求主寬恕佢哋,並且賜俾佢哋新生活嘅喜樂.我哋同聲祈禱.

4.請為我哋堂區教友中社會地位比較高嘅人祈禱.求主恩賜佢哋信心日增,喺日常生活中,以佢哋嘅榜樣幫助信德嘅傳播.我哋同聲祈禱.

主祭:主耶穌,求祢開啟我哋嘅眼目,駛我哋睇到主基督嘅臨現喺他人身上,臨現喺我哋每日嘅生活中.祢是天主,永生永王.

奉獻

基督駛我哋成為佢嘅證人,喺世人面前證明基督嘅可信,……教友家庭代表我哋奉獻禮品,就係表示願意為基督作證.

(領聖體後)

謝聖體 請大家坐,而家我哋做一個感謝聖體嘅祈禱.

主,基督,祢叫我以我嘅生活方式為祢嘅復活作證.祢叫我以一個新嘅生活方式,充滿真理慈愛,絕對脫離邪惡嘅生活為祢作證.主,祢知道我係一個好軟弱嘅人,亦都知道喺今日嘅環境之中做祢嘅見證人係更加困難.主!我願意成為祢嘅真理,祢嘅愛,祢嘅和平工具.求祢默啟所有接觸我嘅人,能夠喺我個人嘅過失之中,睇到祢復活嘅曙光.

禮成

基督召叫我哋嚟成為佢死亡同復活嘅證人,祝大家喺世人前過一個有信仰同希望嘅生活.


復活期


頁面工具