聖方濟各華人天主堂

Giáo Xứ Thánh Phanxicô Xaviê

使用者工具

網站工具


zh-tw:mpscn2-b

復活期第二主日

進堂

各位親愛嘅兄弟姊妹:喺復活之後,主耶穌唔再以有形嘅姿態出現.雖然耶穌仲多次顯現俾宗徒嚟堅固佢哋嘅信德,但係嗰啲顯現嘅次數唔多,同時亦好快就過去,從今以後耶穌經常顯現嘅方式係聖體同教會.呢啲係耶穌每日同我哋喺一齊兩件聖事.聖教會係基督嘅身體,聖體係基督嘅血肉,所以復活節後教會禮儀引領我哋注意聖教會,喺教會內我哋可以同主相遇嚟多啲認識/愛慕同效法佢,亦係喺聖教會內,我哋可以領受聖體,嚟承受主耶穌願意賜俾我哋嘅生命力.因此喺復活期內我哋要多啲反省聖教會嘅生活.今日,教會俾我哋睇到宗徒嘅宣講喺初期嘅教友之中,形成咗無比嘅愛同信仰嘅力量.呢種力量駛佢哋自願將財產獻出俾大家共同駛用,深刻咁表現出信友間深厚嘅互助精神,有資格稱為復活基督嘅聖教會.

請大家起立,參與呢台彌撒,一齊唱進台詠.

經一

初期嘅教友熱誠咁以耶穌留俾佢哋愛德嘅法律去生活,若果我哋具有初期基督徒嘅信德,就會享有好似佢哋一樣嘅生活.呢啲係經一嘅中心思想.請打開主日感恩祭第5頁.

經二 聖

若望喺經二傳達俾我哋知:天主好似愛護仔女咁鍾愛所有嘅人,因此我哋都需要好似兄弟姊妹咁彼此相愛.請打開主日感恩祭第6頁.

信友禱文

主祭:各位兄弟姊妹:主基督從死者之中復活,駛生活嘅人充滿希望,駛死者等待光榮嘅復活.喺基督復活嘅光輝中,我哋信賴咁祈求:

1.復活嘅基督不斷臨現喺佢嘅教會裡面,駛到教會成為一個適宜宣揚福音嘅工具.基督嘅復活係我哋生命嘅泉源,求主以呢個新生嘅精神俾我哋嚟面對今日所帶嚟嘅遭遇.我哋同聲祈禱.

2.喺復活節全世界有好多人受洗.我哋成個信徒嘅團體,願意為新教友立一個好表樣,求主支持我哋嘅誠意.我哋同聲祈禱.

3.一個堂區係一個基督徒嘅團體,亦都係成個教會嘅縮影.求主以佢嘅復活精神,更新我哋堂區嘅團體,駛到我哋以實際嘅行動,表達出我哋嘅真信仰.我哋同聲祈禱.

4.請為我哋堂區內長期冇嚟教堂嘅教友祈禱.求主開啟佢哋嘅心,駛佢哋因熱心教友嘅好榜樣,重振教友嘅精神,毅然重歸慈母教會嘅懷抱.我哋同聲祈禱.

主祭:復活嘅主基督,祢係每個時代嘅人嘅希望之源.當遇到艱難考驗時,求祢賜我識投奔到祢台前,得到祢嘅安慰,而重獲平安.祢是天主,永生永王.

奉獻 復活嘅基督現身喺信友嘅團體中,為表示我哋喺同一信仰中團結一致,….教友家庭代表我哋行奉獻禮.

(領聖體後)

謝聖體

請大家坐,而家我哋做一個感謝聖體嘅祈禱 主,我哋好佩服初期教會嘅生活方式,佢哋嘅手足之情,佢哋真正共融嘅生活,佢哋嘅忠誠祈禱,佢哋嘅平安,喜樂係當時社會之中一個好突出嘅標誌.主,求祢喺今日嘅環境之中,為今日嘅社會,駛我哋成為同初期教會相似嘅信徒團體.

禮成

祝大家得到復活嘅基督所帶嚟嘅平安,喜樂.願大家喺日常生活中成為平安,喜樂嘅使者.


復活期


頁面工具