聖方濟各華人天主堂

Giáo Xứ Thánh Phanxicô Xaviê

使用者工具

網站工具


zh-tw:mpscn1-b

耶穌復活節

進堂

各位兄弟姊妹:基督真嘅復活咗啦,我哋相信嗎?我哋係唔係將佢當做生活嘅人來看待呢?我哋接受同佢一齊復活嗎?即係話,接受信賴佢,每日遵循佢嘅道路前進,接納福音嘅各種要求,無條件咁,無限制咁對耶穌基督完全嘅服從.我哋係唔係接受改變我哋空虛,自私嘅生活,成為一個對天主同對他人充滿愛心嘅生活呢?我哋係唔係接受今日同基督一齊復活,即係願意離開罪惡,俾天主嘅慈愛同埋佢嘅光明嚟改變我哋.同基督一齊復活嘅基督徒,我哋都有同一嘅責任,就係繼續基督嘅使命,引領全人類同整個宇宙歸向天父.

請大家起立,參與呢台彌撒,一齊唱進台詠.

經一

聖伯多祿話:信仰死而復活嘅基督嘅人,必定能夠分享佢豐富嘅生命.請打開聖週第131頁.

經二

我哋應該同基督一齊復活,即係接受佢所俾我哋嘅新生命,呢啲係經二嘅中心思想.請打開聖週第132頁.

復活節讚歌

請大家繼續睇聖週第133頁,一齊讀復活節讚歌,為表達我哋對耶穌復活嘅喜樂.我讀完一句之後,大家應一句.

信友禱文

主祭:

各位兄弟姊妹:通過聖神嘅權能,主基督從死者之中復活.因此我哋高興咁祈求:

1.求主教導信仰佢嘅人同喜樂嘅人一齊喜樂,同憂苦嘅人一齊憂苦,加強佢哋對主同對人嘅愛心.我哋同聲祈禱.

2.求主緩和世人對物質富裕嘅渴望,引領佢哋樂意同有需要嘅人分享佢哋嘅財物.我哋同聲祈禱.

3.求主償報嗰啲愛護我哋嘅人,亦降福嗰啲同我哋對立嘅人,賞賜一切人永世不朽嘅生命.我哋同聲祈禱.

4.求主教導我哋將一切人睇作係主嘅子女,啟導我哋識得為佢哋嘅幸福設想,並且有實際嘅行動.我哋同聲祈禱.

主祭:

主耶穌基督,當祢從死者中復活時,祢堅固宗徒嘅信德,又派佢哋到世界各地去傳播福音.求祢亦每日堅固我哋嘅信德,駛我哋向普世人傳揚祢愛嘅喜訊.祢是天主永生永王.

奉獻

基督,我哋嘅逾越節羔羊已經得到奉獻做犧牲,所以我哋要用純潔同忠誠做成禮物嚟慶祝佳節.….教友家庭代表我哋奉獻呢啲禮物.

(領聖體後)

謝聖體

請大家坐,而家我哋做一個感謝聖體嘅祈禱.

上主,生活喺今日廿一世紀嘅我哋,接受祢今日嘅福音,聽到祢向我所顯示嘅訊息.主,既然祢已經講咗俾我知,求祢賜俾我力量,唔單只係知道,而係切實俾我去實行,唔係只顧自己個人嘅得救,而識得同所有嘅人協力創造幸福,和平同正義.

禮成

基督已經復活咗,願我哋嘅整個生活,傳佈我哋對永生嘅信心同熱望.  


復活期


頁面工具