聖方濟各華人天主堂

Giáo Xứ Thánh Phanxicô Xaviê

使用者工具

網站工具


zh-tw:mong3

新年初三:為聖化人類工作

進堂

各位親愛嘅兄弟姊妹:每逄新年,人哋喜歡喺顯著嘅地方,貼上「開張鴻發」,或「開工大吉」嘅字樣.目的係求工作順利,呢啲係無可厚非嘅,呢啲語句講明佢哋願意工作,希望工作帶來成果,呢啲亦係天主創造世界嘅目的:人同天主合作,繼續發展世界,所以工作係人嘅權利,亦係人嘅義務.喺我哋呢個時代人權嘅口號,高唱入雲,為人權而鬥爭,從未停過,而工作就係人權之一,喺新年嘅開始,我哋將我哋成年嘅工作獻俾天主,求天主降福我哋嘅工作,駛我哋成年嘅工作都成為一個祈禱.喺想方設法,辛苦勞碌為養飽身體嘅時候,我哋唔應該忘記我哋嘅超性生命.因為人唔單只有肉身,仲有靈魂,所以我哋亦要努力工作,駛我哋嘅超性生命得到昇華.
請大家起立,參與呢台彌撒,請打開春恩第 … … 頁,一齊唱進台詠.

經一

天地萬物以及人類都係天主所創造嘅,人類特別得到天主另眼相看,與天主合作,繼續天主嘅創造工程.請打開春恩第25頁.

經二

聖保祿宗徒想提示我哋:工作唔單只為生活,而且為幫助有需要嘅人.請打開春恩第25頁.

信友禱文 (請大家打開春恩第26頁)

主祭:各位兄弟姊妹:我哋係天主嘅肖像,我哋有責任同天主合作嚟發展人類及社會,我哋同聲向天主祈求,我哋所需嘅恩寵.

  1. 請為全體人類祈禱:基督創造咗人類為分享佢嘅榮耀,求主啟迪我哋識得分擔主嘅責任.我哋同聲祈禱.
  2. 請為堂區祈禱:求主指引我哋堂區每一個成員,都了解作為教會一份子嘅責任,而參加堂區工作.我哋同聲祈禱.
  3. 請為教友家庭祈禱:求主祝福我哋每一個家庭,駛每個人都為家庭嘅幸福而通力合作.我哋同聲祈禱.
  4. 請為人類嘅工作祈禱:求主教導我哋明白,工作唔單為咗豐衣足食,忡為光榮主嘅聖名,服務弟兄,同時求主護祐我哋成年工作順利.我哋同聲祈禱.

主祭:仁慈嘅天父,我哋既由祢承受工作嘅使命,求祢亦讓我哋喺祢嘅護祐之下,勤奮服務他人.

奉獻

今日… … …代表我哋呈獻嘅係人類工作嘅成果,但願我哋照天主聖意所做嘅工作,都得到天主嘅祝福.

(領聖體後)

謝聖體

請大家坐,而家我哋做一個感謝聖體嘅祈禱
主,我時時事事都希望全照我自己嘅意思;但係祢就完全唔同;祢嚟到世上,全照父嘅聖意而行.求祢幫助我,喺人嘅工作上睇到祢嘅旨意,而努力承行.
主,祢曾講過:「每次祢為我這些弟兄中最小的一個作了這些事,就是為我作了!」請賜俾我勇氣同謙誠,讓我喺對弟兄卑微嘅服務中搵到祢!

禮成前

而家神父祝聖大家嘅工具同產品,駛我哋一年嘅工作都得到天主嘅祝福,駛我哋成年嘅工作都得到順利進行.

禮成

祝大家明白工作嘅意義,同佢所蘊含嘅真正價值.



頁面工具