聖方濟各華人天主堂

Giáo Xứ Thánh Phanxicô Xaviê

使用者工具

網站工具


zh-tw:mong2

新年初二:為先人祈禱

進堂

各位兄弟姊妹, 古人話:

「人不孝其親,不如禽與畜, 慈鳥尚反哺,羔羊猶跪足, 人不孝其親,不如草與木.」

各位兄弟姊妹,孝順父母原本係植根於人心嘅自然本性,亦係人類天性嘅自然流露.就如孟子所講:「孩提之童無不知愛其親也.」因此實行孝道,唔單只是「人之不學而能,不慮而知的良知良能」更加係天主嘅命令,聖經講:「應孝敬你的父親和你的母親,好使你在上主你的天主賜給你的地方,延年益壽.」又話:「你要全心孝敬你的父親,不要忘掉你母親的痛苦,你要記住,沒有他們,便沒有你們.」其實孝道亦係我國民族嘅傳統道德.所以越南主教團要我哋喺開年嘅時候,就為祖先祈禱,懷念佢哋所有嘅蔭澤.
請大家起立,參與呢台彌撒,請打開春恩第 …… 頁,一齊唱進台詠.

經一

一切恩惠,一切生命都係由天主而嚟.而我哋與先人之間,有密切嘅聯繫,對先人知恩報愛,亦係對天主嘅讚美.請打開春恩第14頁.

經二

孝愛父母唔單只係人類良知嘅要求,亦係天主嘅誡命,天主最喜愛同降福嗰啲有孝心嘅人.請打開春恩第14頁.

信友禱文  (請打開春恩第15頁)

主祭:各位兄弟姊妹:天主要我哋孝順父母祖先,今日,我哋懷著感恩之心,懇切祈禱.

  1. 我哋嘅文化,風俗,習慣,信仰以及生命都係由我哋祖先嚟嘅.求主祝福我哋嘅祖先,駛佢哋喺辛勤勞碌,受盡苦樂之後,能享受到主嘅慈愛.我哋同聲祈禱.
  2. 我哋願意為我哋嘅祖先祈禱.若果佢哋在生時獲罪於主,求主睇在佢聖子嘅份上,寬赦佢哋,若果佢哋得主嘅歡心,請接納佢哋為我哋嘅嘅代禱.我哋同聲祈禱.
  3. 多謝基督賜俾咗我哋嘅愛,求主嚮導世間父母嘅愛,都能反映佢對我哋嘅愛.我哋同聲祈禱.
  4. 基督恩賜咗人類參與生命嘅奧蹟,同承受傳宗接代嘅任務.求主助祐為人父母者,都能盡心養育教導仔女,駛後起嘅一代都成為頂天立地嘅人.我哋同聲祈禱.

主祭:上主,新春之日,我哋唔單只為我哋過世嘅先人祈禱,亦為我哋在生嘅父母祖先祈禱,求祢賜俾佢哋祢嘅恩澤.

奉獻

喺為祖先祈禱嘅時候,我哋亦為佢哋向天主獻上贖罪嘅禮品,為表示我哋對佢哋嘅懷念同孝愛.而家 … … … … 代表我哋做呢份孝愛嘅工作.

禮成

祝大家開年大吉,闔家平安,祝大家喺現實環境之中追憶今日所聽到嘅說話.

彌撒後

彌撒後有舉行祀祖禮,為表示我哋對祖先知恩嘅心,請大家以莊重嘅心情嚟參與呢個祀祖禮.

祀祖禮後

請大家到聚靈堂為向先人致敬.



頁面工具