聖方濟各華人天主堂

Giáo Xứ Thánh Phanxicô Xaviê

使用者工具

網站工具


zh-tw:mong1

年初一:為求平安

進堂

各位親愛嘅兄弟姊妹:今日係農曆新年初一,祝大家一年平安,四季吉祥,萬事安泰.喺新年嘅第一日.元旦,結束咗舊嘅,啟癹新嘅.一切都因着佢嘅來臨而有新嘅生機.今日彌撒嘅中心思想正係強調「平安」:我哋彼此間所相處嘅平安,基督所賜俾我哋嘅平安;內心嘅平安,精神上物質上同生活上嘅平安.平安呢個字包括人所祝福嘅一切,福、祿、壽、康、寧.呢個平安生根喺我哋心裡面,同時產生精神上絕對嘅自由.希望大家為同一嘅目的祈禱.其實我哋唔單只求平安,我哋仲要係創造平安嘅人.我哋領咗洗,接受基督嘅人,就係接受咗平安嘅根源,基督嘅平安已經賜俾咗我哋.創造平安,將平安帶俾他人,就表示我哋平安,係平安嘅使者.福音話:『締造和平嘅人係有福嘅』,希望大家能夠享受主所賜嘅平安,駛我哋能夠成為福音所講嘅有福嘅人.
請大家起立,參與呢台彌撒,請打開春恩第 頁,一齊唱進台詠.

經一

天地萬物都係天主所造嘅,日月時節亦都由天主所欽定,所以我哋要善用光陰嚟光榮讚頌天主.
請打開春恩第6頁.

經二

聖保祿宗徒提醒我哋要度良善嘅生活,嚟享受天主無可明言嘅平安,喺天主之內保持喜樂.
請打開春恩第6頁.

信友禱文 

(請大家打開春恩第7頁) 主祭:各位兄弟姊妹,今日新春佳節,我哋共聚一堂為全人類向天主呈上我哋嘅願望,為每人各種需要祈禱.

  1. 請為教宗祈禱.喺我哋團聚一齊感謝主嘅時刻,我哋唔忘記主在世嘅代表,求主賞賜教宗各種聖德,駛佢獲得世人嘅尊敬.我哋同聲祈禱
  2. 請為我哋嘅教區祈禱.我哋嘅教區仲遇到好多困難,求主派遣聖神領導我哋嘅教區,喺安定之中傳揚主嘅嘅福音.我哋同聲祈禱
  3. 請為我哋嘅堂區祈禱.求主賞賜我哋堂區喺佢照顧之下,人人精誠團結,關心堂區,為堂區嘅發展貢獻一份力量.我哋同聲祈禱
  4. 請為每個教友家庭祈禱.求主恩賜我哋教友家庭,個個人都能和睦共處,家庭和順,共享主嘅慈愛.我哋同聲祈禱

主祭:上主,我哋喺今日歡慶嘅日子裡面,向祢呈上我哋嘅年初祈願,求祢駛我哋喺祢嘅護祐之下,獲得身心嘅平安.

奉獻

喺今日嘅新春佳節,……代表我哋將新嘅一年,所有嘅一切奉獻俾天主,並求佢祝福我哋嘅奉獻.

賀年:(在降福前)

家陣我哋有向天主,聖母,及聖人賀歲,然後團拜,請大家留步參加.

賀歲後

而家神父祝聖大桔,祝聖後分發俾教友,請大家好似領聖體咁排隊領取.

禮成

平安就係福,祝大家一年都得到平安,天主所賜嘅平安.



頁面工具