聖方濟各華人天主堂

Giáo Xứ Thánh Phanxicô Xaviê

使用者工具

網站工具


zh-tw:mgslhl-lbmnt

甲年

主顯節講解(聖年閉幕禮)

進堂

各位兄弟姊妹:聖誕光輝,基督光耀已經照亮大地.今日主顯節同樣強調呢個光明,唔單只係溫暖信友心靈嘅光明,而且係照亮普世人類光明.
今日胡志明市教區舉行聖年閉幕式,喺可能範圍內舉行羅旺聖母遊行.因為二百年前,喺廣治地區嘅基督徒承受殘暴嘅迫害,聖母曾喺羅旺叢林裡顯現並且答應佢哋:「你哋要相信,甘願承受痛苦,我俯聽咗你哋嘅請求。從而家開始,無論邊個到呢度來向我請求,我會俯聽並且實現佢哋嘅願望」.喺2010聖年中,我哋越嚟越相信聖母喺越南教會裡嘅作用。聖母生下耶穌基督-佢係頭而教會係肢體,主耶穌基督喺十字架上嘅時候亦將自己嘅門徒交托俾聖母照顧。
喺眾多艱難同挑戰中,祈求聖母時常保護佢嘅教會。賴聖母嘅轉求同保護,雖然面對危機同動盪,但教會會屹立不搖,並且不斷更新自己,駛教會真正生活喺越南土地上.
請大家起立,參與呢台彌撒,請打開承恩第 … … 頁,一齊唱進台詠.

遊行次序:

十字架帶頭,要理班學生,聖母旗,聖詠團,香爐,撒花兒童,聖母轎,輔祭,神父,最後係全體教友.遊行時,每人拿一枝花,遊行完後,每人自己將花獻俾聖母.

經一

經一依撒意亞先知預言,上主嘅光榮要照耀每個民族,所以我哋都要喜樂,讚美上主.請打開主日感恩祭第76頁.

經二

聖保祿宗徒話,天下萬民都分享同一個基督嘅救恩,成為同一個身體嘅肢體.請打開主日感恩祭第77頁.

信友禱文

主祭:各位兄弟姐妹!天主通過佢嘅獨生子駛人類得到救恩。喺結束越南教會2010聖年時,我哋感謝同讚美天主嘅愛而懇切祈求: 主的鴻恩無限, 我要永遠歌頌上主

  1. 天主用異星帶領各位賢士嚟朝拜耶穌。請為越南主教同神父祈禱,求主駛越南各位主教同神父充滿智慧同博愛,成為光,帶領我哋認識天主。我哋同聲祈禱.
  2. 2010聖年係越南教會回顧同邁向未來嘅機會。請為天主子民各成員祈禱,駛佢哋喺過去一年嘅努力都能為建設一個奧蹟、共融和使命嘅教會,實際帶嚟積極嘅成果。我哋同聲祈禱.
  3. 基督徒係建設教會嘅活石。請為越南所有嘅基督徒祈禱,求主駛佢哋能善用主所賜俾佢哋嘅專業能力,而積極參加教會嘅活動同使命。我哋同聲祈禱.
  4. 真理嘅光駛人類接近天主。請為天主子民各成員祈禱,求主駛他哋能意識而積極實行基督愛心服務嘅使命,能成為目前越南社會嘅鹽和光。我哋同聲祈禱.

主祭:主,求祢俯聽我哋獻上嘅感謝同祈禱。請賜俾我哋建設教會嘅熱誠,並努力成為星光,駛周圍嘅人都認識祢係唯一嘅救世主。

奉獻

古時候,三位賢士用黃金,乳香,沒藥做禮物,奉獻俾初生嘅救主,今日 … … … 教友家庭代表我哋呈上麵餅同葡萄酒,象徵我哋嘅全部工作.

(領聖體後)

謝聖體

請大家坐,而家我哋做一個感謝聖體嘅祈禱.
主,基督,因為祢對全人類嘅關心,友愛同捨身救人嘅決心,祢啟示咗俾我知道天主嘅愛,並唔係因為我有乜嘢嘅價值,而係為提高我嘅價值.祢拋棄所有界限、成見,祢駛我喺祢之內與天父重修於好,駛我成為祢嘅肢體.主,對於嗰啲喺路上遇見嘅弟兄,同我一齊工作嘅人,或者住喺我附近嘅人,求祢幫助我識得超越我對佢哋嘅錯誤批評,去睇清佢哋真實嘅一面,幫助我喺佢哋身上睇到相似祢嘅地方,祢嘅仁慈、祢嘅信德、祢嘅理想、祢嘅痛苦、祢嘅公義、祢嘅貧窮,駛我識得同弟兄一齊生活,一同愛,一同希望.
請大家起立:請睇主日感恩祭封底,一齊唸聖年經. 

禮成

救主唔分階級,種族,界限顯示俾所有嘅人,請大家向所有嘅人打開我哋嘅心,伸開我哋嘅手.




頁面工具