聖方濟各華人天主堂

Giáo Xứ Thánh Phanxicô Xaviê

使用者工具

網站工具


zh-tw:mct7tt-b

聖週六:耶穌復活前夕

進堂

各位親愛嘅兄弟姊妹:我哋已經度過咗四十日嘅封齋期,嚟紀念耶穌為救贖人類嘅苦難.而家我哋就要慶祝主耶穌嘅復活.今晚可以講係勝利嘅歡迎禮,同聖枝主日啱啱相反.聖枝主日,主基督從光榮嘅遊行到苦難而死喺十字架上,而今晚就從黑暗進入光明,從憂苦死亡中進入喜樂嘅生命.今晚嘅禮儀包括四部份.

  • 第一部份:係火光典禮
    呢部份包括祝聖新火同祝聖復活蠟燭,復活燭遊行,呢部份嘅高潮係宣佈復活喜訊.復活燭象徵復活嘅基督.耶穌係照耀世界嘅真光,俾人類分享佢復活嘅榮耀.
  • 第二部份:聖道禮儀
    係默想天主嘅聖善同許諾.
  • 第三部份:聖水禮儀
    係藉著基督,我哋重獲新嘅生命.
  • 第四部份:聖祭禮儀\\ 

全體教友參加主基督以自己嘅死亡同復活,為我哋所準備嘅聖筵.
請大家起立,面向活動中心後面門口.請大家一齊唱「黑夜之中放光明」.
(唱完之後)而家神父向大家提示今晚禮儀嘅意義,請打開聖週第85頁.

祝福火焰:

(熄燈後,85頁) 請大家預備參加火光典禮,一陣間神父會祝聖新火,為表示基督復活嘅精神要燃起我哋嘅心靈.
點燃復活蠟燭(第二式)(第86頁)
而家神父祝聖復活蠟燭.呢枝蠟燭代表基督本身,好明顯咁強調復活嘅基督進入咗我哋嘅時代,因為每年神父喺復活聖燭上寫上本年年份,同時寫上兩個字母,一個係希臘文嘅第一個字A亞爾法(Alfa)同埋最後嘅一個字母奧美加(Omega),表示基督係人類嘅開始同終結,呢啲就係講明基督嘅生命進入每個人嘅生活之中.
(神父祝聖復活燭之後,神父點燃復活蠟燭):(第87頁)
而家神父點著復活燭,跟住係舉行巴斯卦蠟燭遊行.請大家唔好自己點蠟燭,一陣會有人傳新火俾大家.
(神父唱完第二次基督之光講)家陣只有輔祭點著蠟燭.
(唱完第三次)而家會有人傳新火嚟點著大家嘅蠟燭.
(開燈後):主祭要宣佈復活喜訊,邀請整個教會共同喜樂,因為今晚係幸福之夜,天人合一之夜.請打開聖週第88頁.
(唱完88頁之後):請打開91頁跟神父唱復活喜訊.
(神父唱完後):請大家坐,吹熄蠟燭.

聖道禮儀開始:

舊約聖經
而家我哋開始聖道禮儀,原本有七篇舊約聖經,但我哋只選讀兩篇.
主祭: (請打開聖週第92頁)
第一篇係創世紀,今晚創世紀指明天主神支配宇宙嘅進展,而人就喺一切受造物當中,佔有特殊優越嘅地位.請打開聖週第94頁.
主祭: (請打開聖週第99頁)

經二

喺出谷紀中所敘述嘅過紅海呢件事,就係我哋通過基督嘅復活,脫離罪惡嘅生命,獲得天主子女新生命嘅預象.請打開聖週第100頁. (讀完第二篇舊約,唱完答唱詠及禱文之後)  \\      而家正式宣佈主嘅復活.開始重新裝飾祭台,因為祭台係代表基督本身,聖堂打鐘,全體教友一齊唱榮福頌.
主祭:(集禱經見聖週111頁)(集禱經後)請大家坐.

書信:

喺今晚彌撒嘅讀經中,聖保祿宗徒要我哋明白,聖洗將我哋由罪惡中救拔出嚟,駛我哋同復活嘅基督同死同生.請打開聖週第112頁.  (書信後,讀福音114頁)
講道後:而家開始第三部份:祝聖聖水禮.
呢部份用水嚟象徵生命,我哋每位教友都係經過水同基督同死同生.請打開聖週第121頁.
(祝聖聖水後):重宣聖洗誓願
請大家再點著蠟燭.喺復活嘅基督面前,喺各位兄弟姊妹前,重宣聖洗嘅誓願.請打開聖週第122頁.
(神父灑聖水唱149頁,歌畢)
請大家吹熄蠟燭,即講信友禱文.

信友禱文

主祭:各位兄弟姊妹:主耶穌已經復活咗啦!對於信仰主耶穌嘅人,主耶穌就係生命之源,希望之光,係平安福,係極大嘅喜樂.喺復活嘅喜樂中,我哋懇切祈禱:

  1. 求主祝福天下嘅主教同司鐸,激勵佢哋善盡身為牧者,領袖同導師嘅職責,駛佢哋透過主耶穌同聖神,引領一切人類歸順天父.我哋同聲祈禱.
  2. 求主督促依然喺罪惡中生活嘅人,響應主慈祥嘅召喚,早日透過主嘅教會與主修好.我哋同聲祈禱.
  3. 求主祝福藉著聖洗加入天主教會嘅人,引導佢哋成為主忠實嘅信徒,保存佢哋愛主同愛人嘅熱忱.我哋同聲祈禱.
  4. 求主重振我哋領洗時所得到嘅信德,使我哋銘記聖洗嘅誓願,努力實踐我哋聖善嘅志向.我哋同聲祈禱.

主祭:主耶穌,祢已經戰勝死亡,將新生命帶俾我哋.求祢恩賜聖神幫助我哋能夠死於罪惡嘅舊我,而生活主基督通過十字架所帶來嘅新生.祢是天主,永生永王.

奉獻

家陣係聖祭禮儀,呢部份用麵餅,酒,嚟象徵復活嘅基督,基督以麵餅,酒滋養佢嘅信徒.我哋以喜樂嘅心情同復活嘅基督一齊向天主呈獻禮品,今晚 _ _ ___代表我哋奉獻. (領聖體後)

謝聖體

請大家坐,而家我哋做一個感謝聖體嘅祈禱
主基督,祢今晚戰勝死亡,戰勝罪惡,戰勝黑暗,得到輝煌勝利,祢嘅勝利帶咗俾我生活嘅希望.主,求祢恩賜我識得將呢個希望帶俾我嘅鄰人,帶俾失望嘅人,帶俾所有嘅人.

禮成

願復活節嘅亞肋路亞由我哋嘅唇,我哋嘅心發出,並願佢帶俾我哋喜樂同光明.



返回到 四旬期


頁面工具