聖方濟各華人天主堂

Giáo Xứ Thánh Phanxicô Xaviê

使用者工具

網站工具


zh-tw:mct6tt-b

聖週五:救主受難紀念

進堂

各位兄弟姊妹:主基督曾經講過:「無乜嘢愛比為朋友捨命嘅愛更偉大」,大家今晚聚集一齊,為紀念基督為朋友同埋為非朋友捨命.呢個愛嘅標誌就係一個十字架,兩條木,一條橫象徵基督懷抱整個人類,喺呢一條木上,無一個人係陌生嘅,因為彼此認識係兄弟姊妹,另外一條木係直嘅,為象徵天,地,主,人合一.教會要求我哋最重要嘅就係,信基督通過佢嘅死亡,帶俾我哋復活嘅保証.
基督嘅苦難,駛佢對人嘅痛苦,流淚,害怕同憂慮死亡時嘅哀禱有所同情,佢因此了解人喺受試探時嘅弱點.今後,冇邊個能夠自以為孤獨或遭遺棄喺自己嘅憂苦中,因為耶穌就喺佢嘅旁邊,做佢痛苦嘅伴侶.

今日整個教會都着孝,所以今日冇彌撒嘅慶典.只有聖道禮儀,朝拜苦像禮儀,同埋領聖體嘅禮儀,今晚所領嘅聖體係昨晚喺彌撒中所祝聖嘅. 請大家起立:而家主祭就要步上祭台,全體保持肅靜嚟紀念基督苦難.
(靜默)
(神父上到祭台後),繼續講: 請大家默念一分鐘,肅靜.
(神父起身後)默念禮成.

經一

今晚經一依撒意亞先知預先描述嘅係,基督受苦時感動人嘅一幕.請打開聖週第61頁.

經二

聖保祿話:基督同我哋一齊生活,分擔我哋嘅痛苦,亦為我哋而受苦,駛同佢共苦嘅人,必同佢同甘,分沾佢勝利嘅光榮.請打開聖週第63頁.

受難史之前

呢段受難史係講俾釘喺十字架嘅基督係天地嘅主宰,永生天主嘅聖子基督俾我哋知道,天主寧願拯救人類而唔願懲罰人類.請打開聖週第64頁

受難史後

家陣跟住舉行一個好隆重嘅祈禱,有十個意向為各種人民,國家祈禱,為表示喺基督十字架面前,人認識自己嘅真面目,同時喺他人身上認識一個弟兄,請打開聖週第72頁.

祈禱後

而家請大家預備朝拜苦像,十字架係基督用嚟救贖人嘅工具,十字架嘅重要性唔係因為物質或木,或金嘅緣故,而係因為係愛嘅標誌. 神父會三次請我哋以一個信仰嘅心情,仰望呢個愛嘅標誌,大家向十字架表示團體性嘅敬禮.

神父唱完:「請看這十字架…」後講: 朝拜苦像 而家係朝拜苦像禮,教友代表我哋行呢個禮儀. 朝拜苦像後 為送聖體俾教友,而家神父去禽晚喺彌撒中所祝聖嘅聖體.

(領聖體後)

謝聖體

請大家坐,而家我哋做一個感謝聖體嘅祈禱

主基督,祢為我聽命至死,甚至死喺十字架上,為駛我能夠分享天主嘅光榮.主,我對祢嘅苦難,對祢嘅死,並無一啲感觸,我嘅感情好似痳木咗,呢啲係因為我唔識得憐憫人.主,求祢幫我喺他人身上睇到祢,俾我識得關懷受苦嘅人,俾我有一個仁慈同感恩嘅心. 祝福經文後 你哋要彼此相愛,就好似我愛咗你哋一樣,呢句話即係講,甚至能夠代替佢嘅弟兄死亡,呢啲就係基督最後傳達嘅命令.

禮儀完後

請大家可以自由對十字架表示個人嘅虔誠敬禮.


四旬期


頁面工具