聖方濟各華人天主堂

Giáo Xứ Thánh Phanxicô Xaviê

使用者工具

網站工具


zh-tw:mclt-t4

聖灰禮儀日

進堂

「你哋要悔改,信從福音」.各位親愛嘅兄弟姊妹:喺成個四旬期中,我哋會不斷聽到呢個呼聲,呢個呼聲從今日聖灰禮儀日開始向我哋呼籲.佢邀請我哋以一個理智嘅眼光反省我哋嘅生活,將我哋嘅生活同福音比較一下.但係呢個呼聲已經俾我哋睇到喺我哋受考驗之後,喺我哋悔改之後.我哋會同基督進入復活節日所帶嚟嘅新生活.四旬期係賞賜恩寵俾我哋嘅時期,呢啲恩寵會賞賜俾慷慨同醒寤嘅人.四旬期亦係一個起死回生嘅時期.天主嘅恩寵,能夠駛因罪惡而死亡嘅人有機會獲得新生.天主召喚我哋悔改係為駛我哋獲得寬恕.天主愛罪人,甚至為罪人而死,為駛人得生命.如果我哋想得呢個生命,就要決心悔改,歸向天主.喺生活中留多啲位置俾祈禱,反省同服務他人。一陣喺彌撒中領受聖灰時,我哋承認我哋人性嘅軟弱,承認我哋需要悔改.我哋以咁嘅動作嚟開始四旬期,希望我哋嘅動作係一個實際多關心他人生活嘅開始.
請大家起立,參與呢台彌撒,一齊唱進台詠。

經一

經一俾我哋知道,誠心悔改係需要嘅,但係呢個悔改應該喺團體之內實行。請打開主日感恩祭第2頁。

經二

經二教導我哋要改過自新,改過自新係同天主和解嘅最切實際嘅辦法。請打開主日感恩祭第3頁.

講道後

請大家起立,而家神父祝聖聖灰,然後灑聖灰喺我哋頭上,為表示我哋嘅悔改,照福音嘅精神去生活。

信友禱文

主祭:各位兄弟姊妹,當進入神聖齋戒嘅時候我哋必須確實相信天主對謙遜嘅人係仁慈嘅,天主又寬恕懺悔嘅人.我哋以四旬期懺悔嘅心態,同埋完全信賴天主嘅仁慈寬裕,同心祈禱.

  1. 守齋、四旬期嘅克己駛我哋能夠幫助有急需嘅人。求主幫助我哋識得以兄弟之情嚟對待佢哋。我哋同聲祈禱。
  2. 天主所召叫悔改嘅,唔單只係個人,而係成個教會。求主助祐我哋團體嘅每一個人,駛我哋喺呢段時間內達到成為天主真正嘅證人,天主臨在喺人群中嘅證人。我哋同聲祈禱
  3. 我哋都係罪人。求主賞賜我哋喺四旬期嘅開始就能夠下定決心,不斷更新自己,歸向於主。我哋同聲祈禱.
  4. 今日我哋圍繞喺祭台前,謙恭懇求主寬恕我哋嘅過錯,並且賞賜我哋忠誠嘅力量。我哋同聲祈禱.

主祭:上主,祢通過岳厄爾先知教導我哋:「應撕破的,是你們的心,而不是衣服」.求祢助祐我哋喺四旬期開始所做嘅懺悔善功,帶俾我哋信德生活嘅成果.因我們的主基督之名,求祢俯聽我們的祈禱.

奉獻

我哋而家要帶上祭台嘅係一顆懺悔嘅心,望天主通過基督接納我哋嘅克己苦身, _ _ _代表我哋獻上呢個心願。

(領聖體後)

謝聖體

請大家坐,而家我哋做一個感謝聖體嘅祈禱. 上主,祢曾經通過先知,同宗徒勸告我要悔改,要回心歸向天主,今日祢又親自提醒我,悔改嘅時候要內外一致,仲要以愛德嘅行為嚟配合。主,有時我都會用愛德嘅工作,祈禱,克己嚟表示要同祢和好,但係由於我嘅軟弱,我每每唔記得咗呢個目的,而只想得到人嘅稱讚。主,求祢賜我一顆痛悔嘅心,駛我不斷更新自己。

禮成

四旬期係回歸天父懷抱嘅時期,祝大家能夠利用呢個機會,澈底改善自己。


大小齋

source: http://www.catholic.org.tw/shulin/article/ash-wednesday.pdf

一、 小齋:
小齋禁食熱血動物的肉和肉湯,如豬、牛、羊、雞、鴨等;但不禁食冷血動物的 肉,如水族的魚、蝦、蟹等;雞蛋、奶油亦不禁食。常年中每個星期五當守小齋,為紀 念耶穌於星期五為人受難釘死。

二、 大齋:
大齋是在一天內只准吃一頓飽飯,或在中午或在晚間,由自己決定。
其它兩餐,早餐要節食少吃,另一餐可吃半飽,以個人食量而定。大齋日禁食零食。
常年中只有兩天守大齋,即四旬期的開始聖灰禮儀日及復活節前聖週五耶穌受難日。這兩天既守大齋又守小齋,故稱守大小齋。
凡年滿 18 歲又未滿 60 歲的男女教友都應守大齋。 而滿十四歲的教友,在那二天只守小齋即可。
病人、身體衰弱者、孕婦、從事體力勞動者,可免守大小齋;
若在我國的民俗節日,如春節、端午節、中秋節遇到大小齋日,可免守。

三、 意義:
教會讓信友們守大小齋,一為紀念耶穌苦難,二為克己苦身作補贖。



頁面工具