聖方濟各華人天主堂

Giáo Xứ Thánh Phanxicô Xaviê

使用者工具

網站工具


zh-tw:mccn5-b

四旬期第五主日

進堂

各位主內嘅兄弟姊妹:天主好早就預言咗要同人類訂立新嘅盟約,所謂新,並唔係盟約內嘅條文有所改變,而係人類嘅一種革新.革新嘅人會答應天主俾佢嘅召喚,願意做天主從罪惡中解救出嚟嘅人民,而唔係做天主從埃及嘅奴役中解救出嚟嘅人民.革新嘅人必要以日常嘅生活 同天主嘅愛,天主嘅聖意結合,而做對天主更深入嘅認識.耶穌喺十字架上嘅死亡,建立咗人與天主之間嘅新關係,一種無限愛嘅關係.呢種愛嘅體現,對耶穌嚟講 就係接受佢嘅苦難同死亡.而家我哋已經好接近復活節,我哋準備緊慶祝復活嘅新生,我哋嘅準備,我哋嘅悔改亦應該係成個人嘅革新,就係無論我哋係幾咁軟弱, 無論我哋過去犯過幾多過失,我哋仍然能夠充滿信心咁向未來前進.無論我哋嘅兄弟有多少錯誤,我哋都要向佢哋伸出我哋嘅手. 請大家起立,參與呢台彌撒,一齊唱進台詠. 經一

耶肋米亞先知報導同天主所訂嘅盟約,唔再係刻喺石板上,而係以耶穌基督嘅福音寫喺人嘅心內.請打開主日感恩祭第70頁. 經二

聖保祿宗徒話:通過服從,苦難同埋愛,耶穌成為世界嘅救主.請打開主日感恩祭第71頁. 信友禱文

主祭:各位兄弟姊妹:天主就係慈愛,聖子自願接受十字架嚟賜俾我哋豐富嘅生命,就將呢個愛心表露無遺.我哋共同感謝主而祈求:

  教會係新盟約嘅象徵.求主恩賜教會嘅成員,明白新盟約係愛嘅盟約,駛團體內嘅每一個人都以愛嚟接受新法律嘅要求.我哋同聲祈禱.
  慕道者係尋找基督嘅人.求主駛十字架嘅基督吸引佢哋,駛佢哋隨時隨地為基督而生活.我哋同聲祈禱.
  痛苦嘅人承受人生嘅考驗.求主駛基督嘅祈禱幫助佢哋能夠接受佢哋嘅痛苦.我哋同聲祈禱.
  我哋參與彌撒嘅人對天主表示馴服.求主駛我哋嘅服從成為我哋完全屬於天主嘅憑証.我哋同聲祈禱.

主祭:主耶穌,求祢用十字架,愛心嘅奧蹟光照所有信靠祢嘅人,駛每個人都宣認係道路,真理,生命.祢是天主永生永王. 奉獻

四旬期要求我哋革新,成個人嘅革新,喺基督內嘅革新.我哋願意通過   

 教友家庭向天主呈上呢個意願.

謝聖體 (領聖體後)

請大家坐,而家我哋做一個感謝聖體嘅祈禱. 上 主,祢自願接受痛苦,接受死亡,提示我痛苦,死亡並非係絕境.上主,我亦時常為痛苦,困擾所煎熬.痛苦駛我超脫,佢駛我生長,佢駛我領受教訓,佢駛我能夠 更深刻咁去明白同愛護他人,亦駛我與其他遭逢困厄嘅人融合為一.主,我喺憂戚中飄蕩,我喺悽愴中浮沉,佢有時硬化咗我嘅心房,有時削弱咗我嘅意志,佢雖然 時常駛我飽受折磨,但總係將我推近真理.上主,只有痛苦同死亡,先至會促駛我反覆思量,幫助我喺自己嘅存在中解脫出嚟,成個咁超越一切. 請家起立,請睇螢幕,一齊唸求恩經. (領聖體後經之後)

請大家坐 跟住係報告下個主日嘅奉獻家庭: 下星期六晚: 下主日上午: 下午: 禮成

祝大家跟隨基督之後同得到基督所賜嘅新生活.


四旬期


頁面工具