聖方濟各華人天主堂

Giáo Xứ Thánh Phanxicô Xaviê

使用者工具

網站工具


zh-tw:mccn4-b

四旬期第四主日

進堂

各位親愛嘅兄弟姊妹:一方面想崇拜偶像,一方面想得到無限嘅自由,猶太人因此反而失去咗真正嘅自由,陷於罪惡.但係天主從來唔停止過原諒人,基督嘅血繼續救贖人,呢啲就係人類嘅歷史.喺我哋眼前所發生嘅歷史係片斷嘅,係唔能夠 預先知道嘅,但係亦由一個渴望進步,尋求進步,尋找完滿幸福嘅意願所形成.天主就係完滿嘅幸福,因此佢就係歷史嘅主人.要喺歷史中認出天主嘅權能, 舊約時期嘅人需要先知,先知喺世事中觀察到天主參與嘅記號.自從天主降生成人,生活喺人類嘅血統中,冇人唔能夠唔認識天主愛世人,但愛世人甚至派自己嘅兒 子嚟到人類之中,過人嘅生活.實行真理嘅人,從此明白我哋歷史嘅意義,從此人類被安置喺天主愛嘅行動之前,呢個愛喺基督身上完全顯露出嚟. 請大家起立,參與呢台彌撒,一齊唱進台詠. 經一

對天主不忠嘅人必自食其果,但天主並唔願意睇到人受到罪惡嘅重壓,天主可憐罪人,願意將佢哋從罪惡中救出嚟.呢啲係經一所提示俾我哋嘅訊息.請打開主日感恩祭第55頁. 經二

經二傳達俾我哋知道,我哋並非憑著自己嘅功績,而只係賴著信仰嚟獲得天主嘅恩寵.請打開主日感恩祭第56頁. 信友禱文:

主祭:各位兄弟姊妹:主耶穌係世界之光.通過降生奧蹟,主將喺黑暗中嘅人帶入信德嘅真光.我哋感謝天主而共同祈求:

  1. 天主喺歷史事件中講話.求主駛所有基督徒能夠注意到主耶穌救贖嘅使命,同主合作.我哋同聲祈禱.
  2. 我哋嘅團體慶祝基督嘅十字架同勝利.求主駛我哋每一個人都通過十字架上,成為基督嘅最忠誠同伴.我哋同聲祈禱.
  3. 請為嗰啲睇到生活計劃失敗嘅人祈禱.求主駛佢哋重新搵到希望,同埋信賴天主對佢哋嘅要求.我哋同聲祈禱.
  4. 請為慕道者同痛心悔改嘅人祈禱.求主以慈悲為懷,赦免佢哋嘅一切罪過,並且喺佢哋身上顯示出基督嘅寬仁.我哋同聲祈禱.

主祭:主耶穌,聖保祿宗徒曾經講過,信並非單單係守誡命,而係跟隨祢,與祢共融.求祢幫助我哋時常相信祢,跟隨祢,與祢共融.祢是天主,永生永王. 奉獻

耶穌帶光明嚟俾我哋,領我哋走向天父嘅道路,我哋要跟隨耶穌嘅步履,向天父呈上最高嘅敬禮,而家___教友家庭代表我哋做呢份工作. 謝聖體 (領聖體後)

請大家坐,而家我哋做一個感謝聖體嘅祈禱. 主, 祢咁愛我,同時亦愛咗同我一樣千千萬萬嘅人,唔係為咗乜嘢?只因為祢就係愛.對於祢,我只有感謝.有祢嘅懸念同呵護,我唔在乎人哋嘅傷害,因為能夠傷害我 嘅人,一定唔及祢對我嘅愛同深切,咁樣究竟有乜嘢值得傷心嘅呢?祢嘅愛,駛我能夠忍受人哋嘅傷害,更加能夠善待傷害我嘅人.因為祢愛我,祢留意我有冇做 好,因為祢亦愛千千萬萬嘅人,包括傷害我嘅人.對人唔好,唔係亦等於對祢唔好咩?呢啲係我所唔想嘅,我唔能夠回報祢對我嘅一切,因為我已經咁貧困,但係我 唔願意喺自己嘅行動上,思想上辜負祢嘅愛,因為祢係愛,我亦就應該係愛.

(領聖體後經之後) 請大家坐 跟住係報告下個主日嘅奉獻家庭: 下星期六晚: 下主日上午: 下午: 禮成

祝大家喺四旬期內,能夠做一個真誠嘅懺悔.


頁面工具