聖方濟各華人天主堂

Giáo Xứ Thánh Phanxicô Xaviê

使用者工具

網站工具


zh-tw:mccn3-b

四旬期第三主日

進堂

各位親愛嘅兄弟姊妹:今日係四旬期第三主日.今日嘅讀經俾我哋睇到天主同以色列人嘅關係.喺舊約時代天主通過梅瑟頒布十誡俾以色列人,駛佢哋認識同侍奉上主.十誡亦係天主引導佢嘅子民脫離奴隸嘅束縛,邁向自由嘅交通律.呢啲誡命目的係幫助佢哋擺脫壓制人類嘅 神像,同免陷於為害他人嘅誘惑.十誡只係一種準備,駛人能夠接受喺復活嘅基督內更加真實,更加完美嘅信仰.基督係新嘅聖殿,佢以自己嘅犧牲聚集萬民嚟光榮 天主.若果同福音比較,呢啲法律對我哋嚟講好似比較簡單,但係我哋能唔能夠講福音生活而唔先忠於呢啲誡命呢?十誡指示人點樣過忠直嘅生活;呢種忠直嘅生 活,可以証明我哋信賴喺我哋當中嘅天主.但對我哋基督徒嚟講,單單守十誡係唔夠嘅,我哋要更進一步,超越十誡,過真正愛德嘅生活,而成為天主嘅聖殿. 請大家起立,參與呢台彌撒,一齊唱進台詠. 經一

今日嘅經一啟示俾我哋通過十誡,天主指示俾佢嘅子民,同天主,同近人嘅生活方式.請打開主日感恩祭第38頁. 經二

只睇外表嘅人,耶穌喺十字架嘅死亡係一種失敗,或者係一種瘋狂嘅作法,對我哋基督徒嚟講就係生命嘅泉源.呢啲係經二俾我哋嘅提示.請打開主日感恩祭第39頁. 信友禱文

主祭:各位兄弟姊妹:聖堂係祈禱、係教友集合一齊侍奉天主、係主耶穌臨現俯聽我哋、分擔我哋嘅痛苦、分享我哋嘅喜樂、係天主子民最平等相處嘅地方.以敬愛天主嘅心情,我哋共同祈求:

  1. 耶穌驅逐喺聖殿前嘅商人.求主駛信仰生活嘅負責人,同所有教友,千祈唔好將商業嘅頭腦同天主嘅事混合.我哋同聲祈禱.
  2. 由於愛,天主做佢子民嘅立法者.求主駛所有立法者,時常關心維持公共利益.我哋同聲祈禱.
  3. 喺人類聰明嘅眼中,基督嘅十字架時時都係愚蠢嘅.求主駛所有人類智力嘅進步,唔好擾亂呢個時代嘅人同信德.我哋同聲祈禱.
  4. 耶穌係天主真正嘅聖殿.求主駛今日嘅彌撒聖祭幫助我哋,喺我哋同所有嘅人之內嚟擴大耶穌嘅身體,天主嘅聖殿.我哋同聲祈禱.

主祭:仁慈嘅天主父,祢駛我哋成為祢聖子基督嘅肢體.求祢喺我哋嘅心靈中消除一切阻礙我哋喺人間成為祢聖殿嘅事物.因我們的主基督之名,求祢俯聽我們的祈禱. 奉獻

我哋集合喺天主嘅聖殿,係為向天主行祭禮.基督係新約嘅聖殿,我哋更應該喺基督之內向天主奉獻犧牲,___教友家庭而家代表我哋奉上禮品,表示我哋喺基督內嘅團結. 謝聖體 (領聖體後)

請大家坐,而家我哋做一個感謝聖體嘅祈禱. 上 主,祢嘅殿宇係幾咁可愛.我渴慕能夠居住喺嗰度.我嘅君王,我嘅上主,麻雀靠近祢嘅祭壇搵到咗住所,燕子亦搵到咗築巢嘅地方.上主,能夠居住喺祢嘅庭院 中,時常讚美祢,真係有福.因為祢係我心中嘅太陽,祢係我嘅護祐者.祢時常廣施恩寵俾我,對於行為正直純良嘅人,祢從來唔會拒絕祝福.上主,唯有依賴祢, 先至算係有福. 禮成

祝大家都成為生活天主嘅聖殿.


頁面工具