聖方濟各華人天主堂

Giáo Xứ Thánh Phanxicô Xaviê

使用者工具

網站工具


zh-tw:mccn2-b

乙年

四旬期第二主日

進堂

各位兄弟姊妹:上個主日我哋所睇到嘅係基督齋戒嘅嚴酷生活.今日我哋所見嘅係基督喺山上顯聖容,顯示佢輝煌燦爛嘅影像.耶穌嘅來臨駛我哋現世同永世 嘅生活,都充滿天主嘅光輝.對我哋有信德嘅人嚟講,呢啲唔係夢想,而係一個現實.四千年嚟從信德之父亞巴郎開始, 呢個天主嘅光明不斷召叫人,召叫每一個人信從佢.亞巴郎完全信賴天主,佢願意接受嚴厲嘅考驗,獻上佢嘅獨生子.天主所要求我哋嘅就係對佢嘅完全信賴.通過 福音,通過我哋嘅教友生活,通過我哋嘅兄弟姊妹,同埋通過世界嘅需要,天主不斷召叫我哋,我哋要好似亞巴郎咁樣,隨時隨地回答天主嘅召喚,獻上我哋最珍貴 嘅事物,好似我哋私人嘅意願,個人嘅舒適等等….因為信德唔係一種安寧嘅保証,唔係一種單純嘅消極,而係一條光明嘅道路,駛我哋每日能夠體驗到天主嘅召 喚,體驗到天主嘅光輝. 請大家起立,參與呢台彌撒,一齊唱進台詠.

懺悔詞

  1. 上主,祢召叫我哋信從祢.求祢垂憐.
  2. 上主,祢將祢嘅光榮顯示出來.祢垂憐.
  3. 上主,祢指示俾我哋光明嘅道路.求祢垂憐.

經一

今日嘅讀經一俾我哋確切知道天主唔辜負人嘅意願,佢寧願人生存,而唔願見人喪亡.請打開主日感恩祭第24頁.

經二

讀經二要我哋明白,越過死亡之後就係生命嘅延續,我哋憑呢個信仰就無所畏懼.請打開主日感恩祭第25頁.

信友禱文

主祭:各位兄弟姊妹:有時我哋要上山同天主親密相會,有時又要落山同他人分享生活嘅情趣.我哋信賴救世主耶穌而一齊祈求:

  1. 有不少人嘅容貌被罪惡,被侮辱,被人情冷淡所毀壞;求主以主聖容嘅光輝照亮佢哋,帶領佢哋走向天父嘅道路.我哋同聲祈禱.
  2. 人時常為疾病同死亡所恐嚇,求主俾佢哋瞻仰主嘅聖容,得到復活嘅保証,而心平氣靜咁面對疾病.我哋同聲祈禱.
  3. 主耶穌,請幫助我哋只做正當同良善嘅事,承擔每日嘅職責,面對艱難而唔怨天尤人.我哋同聲祈禱.
  4. 喺呢個四旬期中,求主特別淨化同更新主教會嘅一切成員,駛佢哋更積極咁愛慕主,做主有力嘅証人.我哋同聲祈禱.

主祭:主耶穌,當祢喺山上顯聖容嘅時候,天主聖父俾我哋預先睇到將來嘅世界:復活嘅世界,光明嘅世界.求祢恩賜我哋都能死於罪惡,生活於天主,一個充滿光明同平安嘅世界.祢是天主,永生永王.

奉獻

基督經過死亡先至獲得復活嘅光榮,我哋信賴天主會喺我哋受苦之後,俾我哋得到天上嘅永福.而家……教友家庭代表我哋將呢個信心帶上祭台.

(領聖體後)

謝聖體

請大家坐,而家我哋做一個感謝聖體嘅祈禱. 透 過人生旅途嘅痛苦,分享咗基督復活嘅喜樂;冇死亡嘅痛苦,就冇復活;如果基督冇痛苦,咁信仰係空嘅.由於矛盾同痛苦成咗旅程嘅基石,意志經過琢磨而產生堅 強嘅信念;天主,盼望祢,賜俾我步履穩定,心目雪明,認清目標,穩渡世途!現世嘅苦楚,豈能同將來嘅榮耀較量?所以,主!雖然身處世幻之途,而心懷基督徒 嘅信念,就係──希望,永世,成義,呢個信念將有一日要得到完滿.

禮成

祝大家喺生活中睇到基督光輝嘅容貌.


四旬期


頁面工具