聖方濟各華人天主堂

Giáo Xứ Thánh Phanxicô Xaviê

使用者工具

網站工具


zh-tw:mccn1-b

四旬期第一主日

進堂 各位親愛嘅兄弟姊妹:喺痛苦,疾病,死亡同埋罪惡嘅困境中,人類不斷咁希望消除橫行世上嘅罪惡,並為呢個願望而奮

鬥.但係,冇邊個能夠達到呢個目的.天主嘅子民保持著呢個希望.期待有一日,天主一定要嚟為人類而同罪惡戰鬥.耶穌所宣講嘅福音就係呢個希望嘅實 現,佢話:「天主嘅國已經臨近啦.」今日嘅彌撒俾我哋睇到呢個臨近勝利嘅記號:就係喺基督內人制服咗撒殫.同天主共融.我哋要有一個堅定嘅信念,要相信幸 福喺艱難,痛苦,死亡之前再度出現,好似黎明嘅曙光,帶領佢脫離黑暗.我哋嘅時代同諾厄時代冇乜嘢差別:戰爭,飢餓,互相殘殺,有時就有全世界洪水泛濫嘅 形象,但若果四旬期嘅戰鬥帶領我哋到曠野嚟反省人類嘅罪惡.可能會駛我哋說服我哋時代嘅人信從福音.同埋搵到希望. 請大家起立,參與呢台彌撒,一齊唱進台詠. 經一 雖然天主以洪水懲罰人類嘅罪惡,但係天主從未停止過愛人類.呢啲係天主通過經一所俾我哋嘅訊息.請打開主日感恩祭第11頁. 經二 經二嘅意思係:天主時常俾罪人機會接受佢嘅話,並且重返佢嘅慈懷之中.請打開主日感恩祭第12頁. 信友禱文 主祭:各位兄弟姊妹:主耶穌守齋四十晝夜,俾我哋立咗齋戒嘅榜樣.當破解魔鬼嘅陰謀時,主耶穌教導我哋要喺日常生活中戰勝各種誘惑.我哋依賴天主嘅助祐而共同祈求: 1.請為慕道者同埋誠心悔改嘅人祈禱.求主賜俾佢哋豐富嘅恩寵,駛佢哋喺呢個四旬期內洗心革面,度一個新生活.我哋同聲祈禱. 2.天主將基督賜俾我哋,做我哋嘅善牧;求主時常同教會嘅一切牧者,同主嘅子民喺一齊,駛羊群唔缺乏牧者嘅愛護,牧者亦唔缺乏羊群嘅服務.我哋同聲祈禱. 3.有啲人受罪惡同埋惡表嘅影嚮而放棄跟隨主;求主引導佢哋改過自新,再次存留喺主嘅聖愛中.我哋同聲祈禱. 4.耶穌基督,請賜俾我哋祈禱同埋補贖罪過嘅熱誠,灼熱我哋對主同對人嘅愛心.我哋同聲祈禱. 主祭:我哋嘅天主,祢派遣祢嘅聖子降生成人,喺一望無際、火熱嘅沙漠上行走,將天主慈愛嘅盟約啟示俾我哋.求祢助祐我哋時常都孝愛祢.因我們的主基督之名,求祢俯聽我們的祈禱. 奉獻 喺進入呢個新嘅四旬期內,我哋決定接受度一種有價值同愛嘅生活,呢種生活要求我棄絕自己      教友家庭代表我哋獻上呢個決心,接納基督嘅新生命,融合喺我哋嘅生活中. (領聖體後) 謝聖體 請大家坐,而家我哋做一個感謝聖體嘅祈禱. 上 主,祢降生成人.嚟到人間,祢願意接待一切嘅人.好人,壞人.猶太人,撒瑪利亞人,祢一概都唔拒絕,祢今日更加接待咗我,但係祢對罪惡,對誘惑就毫無交情 可言.上主,祢拒絕誘惑嘅榜樣係我生活嘅明燈,求祢指導我,以祢為依歸,當誘惑來臨時,賜我毅力,駛我能夠毫不猶疑咁斷然抗拒所有嘅誘惑. 請大家起立,請睇螢幕,一齊唸求恩經. 禮成 祝大家堅決咁進入四旬期嘅生活同生活喺基督嘅平安中.


四旬期


頁面工具