聖方濟各華人天主堂

Giáo Xứ Thánh Phanxicô Xaviê

使用者工具

網站工具


zh-tw:giaothua

農曆除夕:為謝主

進堂

各位親愛嘅兄弟姊妹:今晚係除夕晚,喺一年結束之前我哋團聚一齊,係為感謝天主.謝恩係基督徒應有嘅能度,因為我哋嘅一切都係由天主嚟嘅:我哋要感謝天主俾生命我哋嘅宇宙,駛種子發芽,駛花朵開放,駛友情可貴,駛親情偉大,駛愛情美好.我哋感謝天主派遣聖子救贖我哋,引導我哋走人生嘅旅程.多謝天主喺順境中賜俾我哋力量去達到目的,喺逆境中賜俾我哋機會去克服困難.無論我哋遭遇到嘅係快樂抑或係痛苦,興奮抑或愁悵,我哋都照樣感謝天主,因為呢一切都能夠充實我哋嘅生活,喺感謝天主嘅時候,我哋亦要除舊佈新,喺歡樂中將舊嘅錯誤生活方式放低,趁呢個年尾嘅機會,向天主認錯,真心悔改,誠意更新,等喺新嘅一年中以新嘅精神嚟侍奉天主,服務他人.
喺今晚嘅彌撒中,我哋有意強調家庭嘅團年,所以彌撒中嘅各種職務都以家庭為單位.
輔祭係由 … … … 同 … … … 教友家庭,
信友禱文由 … … … 教友家庭誦念,
奉獻就由兩位幼童,兩位少年,兩位青年,兩位中年,兩位老年教友代表負責,象徵我哋堂區嘅五代同堂.
請大家起立,參與呢台彌撒,請打開春恩第 … 頁,一齊唱進台詠.

經一

天主樂意祝福佢嘅子民,因為佢哋係屬於天主嘅,喺今日嘅經一中,天主親自向梅瑟咁樣講.
請打開春恩第2頁.

經二

天主係平安嘅根源,我哋要不停向天主謝恩,祈禱,將成個人託付於天主,與主共融.
請打開春恩第2頁.

信友禱文  (教友家庭誦讀)

主祭:各位兄弟姊妹:舊嘅一年就快結束,喺呢個最後嘅時刻我哋共聚一堂,一齊感謝天主,同時求主賞賜我哋更新嘅恩寵. 每當我讀完一句之後,請大家跟住應: 眾:上主,我哋多謝祢. (以下同)

  1. 我哋多謝上主恩賜佢嘅教會喺充滿暴力,仇恨嘅世界中,成為人世間嘅中流抵柱,安定人心.
    我哋同聲祈禱.
  2. 我哋感謝上主喺我哋呢個動蕩不安嘅教區中,助祐我哋教區嘅教務依然發展,信心不減往年.
    我哋同聲祈禱.
  3. 我哋感謝上主,我哋嘅堂區蒙受佢嘅恩寵特別多,無論喺物質或精神方面都有所進展.
    我哋同聲祈禱.
  4. 我哋感謝上主賞賜我哋每個教友家庭喺舊年都獲享安定嘅生活,雖然唔係事事順遂,但都總算平安無恙.
    我哋同聲祈禱.

主祭:上主,正當我哋送舊迎新嘅時候,我哋誠心感謝祢去年所恩賜我哋嘅一切,求祢來年頒賜我哋獲享祢所賜嘅平安.
因我們的主基督之名,求祢俯聽我們的祈禱.

奉獻

兩幼童獻香

呢一瓣清香係由兩位幼年兒童呈上主台前,表示我哋從小就願意崇拜祢.

兩少年獻花

我哋代表我哋堂區同埋各地嘅少年,以愛心呈上呢啲鮮花.求主賞賜我哋跟隨歲月嘅增長而日加精乖同勤奮,時常悅樂天主.

兩青年獻湯圓

我哋選派兩位青年獻上湯圓,求主賜俾我哋家人團聚,一年都甜甜蜜蜜.

兩中年獻年糕

兩中年代表我哋獻上年糕,求主賜俾我哋喺聖德同智識上都年年高升.

兩老年獻酒水,餅,聖爵

我哋代表各個家庭獻上餅酒,呢點就係我哋嘅獻身同犧牲嘅表示.求主恩賜我哋嘅家庭得團聚嘅歡樂.獲致飽暖,駛我哋迎接到福壽康寧新嘅一年.

(領聖體後)

謝聖體

請大家坐,而家我哋做一個感謝聖體嘅祈禱.
主,今晚每個家庭食團年飯,為表示家庭嘅團結同埋幸福,我哋同全世界今晚過節嘅親戚朋友一齊向祢禱告.
主,求祢駛我哋既然分享同一嘅聖體,能夠保持同一嘅信心,愛情同埋希望.

家陣,請祢接受我同埋所有在場嘅兄弟姊妹嘅感謝同讚美.請打開春恩第五頁,起立一齊唸領聖體後誦.

禮成

喺同堂區大家庭團年之後,祝大家有愉快嘅心情嚟迎接新嘅一年.

彌撒後

喺彌撒後,神父到活動中心樓下廣場祝福每個家庭或個人,同時派新年意頭,想領受神父降福嘅,就請到活動中心樓下廣場等候.



頁面工具